Les mots surlignés font l'objet d'une note
1Reçue à Grenoble, le 14 mars 1573.
2Monseigneur, je vous escrivis hier par un pouvre homme de Grenoble les
3nouvelles qu’on mandoit de La Rochelle. Depuis, le seigneur Cesar Gros
4m’envoya la lettre que l’ambassadeur de monsieur le duc de Savoye luy
5avoit escrit de Paris le IIIe ne contenant justement hormi ces
6mots : « Je vous prie fère incontinent tenir ce pacquet à madame par
7ce qu’il porte bonnes nouvelles de La Rochelle ». Mais depuis j’ay
8receu une lettre de monsieur Granger escritte de Paris le VIe dont
9je vous envoye l’extraict qui nous corrompt toute nostre joye et
10esperance. Et toutesfois, le courrier qui estoit party de la cour
11^ [^ avec depesche pour aller trouver mon frere] en parle autrement, disant que l’on y en avoit bonne esperance,
12et que par mesme moyen que certain seigneur d’Estran (ainsi
13me semble que le me rend) estoit dedans la ville
14pour continuer le traicté, ceulx de ladicte ville avoyent baillé des
15avantages. Si ledict traicté ne passoit outre, j’en seroi encor
16marry pour la retardation que cela apporteroit à la venue de
17mon père, duquel je receu hier nouvelles de Soleurre dudict VIe
18par les quelles il me mande que sans s’arrester nulle part il
19nous vient trouver esperant estre icy le XIIIIe de ce moys,
20samedy des rameaux, et me prie de garder les pacquetz
21du roy que recevroyt, toutesfois, je luy laisse porter le pacquet
22que luy est porté par ledict courrier exprès.
23Monseigneur, je me recommande humblement à vostre bonne
24grace et prie à Dieu qu’il vous done en parfaicte santé, très longue
25et heureuse vie. De Lyon le Xme jour de Mars 1573.
26Madame de Gordes verra icy, si luy plait, mes humbles
27recommandations à sa bonne grace.
28Vostre très humble et très affectionné serviteur Bellièvre